Nyaraka zinazohitajika

a) Kadi ya usajili wa gari

b) Hati ya ukaguzi wa gari kutoka Jeshi la Polisi Kikosi cha Usalama Barabarani pamoja na risiti yake ya malipo.

c) Hati ya bima iliyo hai

d) Leseni ya udereva yenye daraja C

Hatua za Kufuata

a) Kupata linki ya  mfumo, ingia kwenye tovuti ya Mamlaka www.latra.go.tz, fungua huduma mtandao kisha chagua RRIMS. (Unaweza pia kupata linki ya mfumo moja kwa moja kwa kuandika www.rrims.latra.go.tz )

b) Itafunguka linki ya mfumo wa RRIMS, kisha ingiza baruapepe na nywila yako kwenye sehemu husika,

c) Chagua neno lililoandikwa Maombi ya leseni, chagua sehemu iliyoandikwa usafiri wa kukodi,

d) Chagua neno Ongeza gari,

e) Jaza na hifadhi taarifa zinazohitajika,  ambatisha nakala za vielelezo vinavyohitajika  kisha, wasilisha maombi hayo kwenye ofisi ya  LATRA uliyochagua,

f) Maombi ya leseni yatashughulikiwa na Maafisa leseni ndani ya saa ishirini na nne (24),

g) Msafirishaji utapata  ankara ya malipo (Control number)

h) Utalipia kupitia ankara ya malipo (Control number) kwa kutumia huduma za kifedha kwenye mitandao ya simu. (tigopesa, Mpesa,Airtel Money, Halopesa, T-pesa n.k)  benki na mawakala wa benki (NMB, NBC, Azania, nk)

i) Baada ya malipo unaweza kuchapa leseni yako mtandaoni kupitia akaunti yako ya RRIMS. 

Zingatia

Hatua za maombi ya leseni, zitafuatwa na waombaji wa leseni wanaohuisha leseni, kubadili njia/huduma/ratiba baada ya mwombaji wa leseni  kuchagua huduma anayohitaji.

Uhai wa Leseni: Mwaka mmoja

Gharama za maombi ya leseni

Unapotuma maombi ya leseni gharama yake ni TZS. 10,000/= au Dola 10

Gharama za leseni

Leseni ya Mabasi maalum ya kukodi ni TZS.300,000/= au Dola 150

Zingatia

a) Ada katika dola italipwa sawia katika shilingi ya Kitanzania ya siku husika.

b) Malipo yote yafanyike kwa ankara ya malipo (control number)/ namba ya kumbukumbu ya malipo iliyotolewa na Mamlaka